భైరవ కోన

 భైరవకోన (కనిగిరి, మార్కాపురం జిల్లా ):

కనిగిరి కి 60 కి.మీ దూరం లో చంద్రశేఖర పురం (CS puram) మండలంలో కొండల నడుమ ప్రకృతి రామణీయతతో అలరారుతుంది ఈ పుణ్య క్షేత్రం. శివరాత్రి పండుగ రోజు అత్యంత మనోహరం గా ఉందీ ప్రాంతం. సంవత్సరం అంతా ఈ గుడి తెరిచి ఉంచినప్పటికి పండుగల సమయం లో మాత్రమే RTC బస్సుల సదుపాయం ఉంటుంది. మిగతా సందర్భా ల్లో సొంత వాహనాలు లేదా ఆటో మాట్లాడుకొని వెళ్ళాల్సిందే. వర్షాకాలం వెళితే అద్భుతమైన జలపాతాన్ని చూడవచ్చు.చుట్టూ ఉన్న కొండలు తిరుమల కొండల్ని తలపిస్తాయి. వందల వృక్షాలతో అలరారుతుంటాయి ఇక్కడి కొండలు. ఒకే రాతిలో చెక్కిన గుడులు ఇక్కడి ప్రత్యేకత. ఇది శైవ క్షేత్రం. భైరవ కోన కు దగ్గర్లో బెంగుళూరు, విజయవాడ జాతీయ రహదారి నిర్మాణం లో ఉంది. ఇది పూర్తయితే భక్తులకు మరింత సౌకర్య వంతంగా ఉంటుంది. ఇక్కడ వసతి గృహాలు కూడా ఉన్నాయి.అభివృద్ధి చేస్తే ప్రకృతి నడుమ ఉన్న ఈ క్షేత్రం చక్కని సందర్శనీయ స్థలం అవుతుంది.