జీవిత లక్ష్యం

జీవితంలో ఏదో సాధించాలని ఎన్నో లక్ష్యాలు పెట్టుకొని ఎంతో శ్రమిస్తూ ఉంటాము.

కొన్ని సాధిస్తుంటాం,ఎన్నో సాధించలేకపోతాం. సాధించిన వాటితో సంతృప్తి లేక సాధించలేకపోయిన వాటి గురించి ప్రయత్నిస్తూ ఉంటాం. మరి కాలం ఆగుతుందా! ముందుకు సాగుతూ మనల్ని తనతో పాటు లాక్కెడుతుంది. వయసు పెరుగుతున్నకొద్ది శారీరకంగా ఎన్నో మార్పులు.ఆ మార్పులు గమనించిన వారు ముందుగానే జాగ్రత్త పడతారు. గమనించినా నిర్లక్ష్యం చేసిన వారు ఫలితం అనుభవిస్తారు. ఇక గుర్తించని వారు ఆకస్మికంగా సంభవించే ఆ టుపోట్లకు గురవుతుంటారు.

ఇదంతా గమనిస్తే మనకేం అర్థం కావాలి.

మనం పెట్టుకున్న లక్ష్యాల సాధనకు తెలిసో తెలియకో మన శరీరాన్ని శిక్షలకు గురిచేస్తూ ఇబ్బంది పడుతుంటాం. బాహ్య లక్ష్యాల సాధనలో అంతర్గత అవయవాల్లో వచ్చే మార్పులను గమనించం. మన ఆరోగ్యాన్ని పట్టించుకోం. నిర్లక్ష్యం చేస్తూ ఉంటాం.

విపరీతమైన ఆహారపుటలవాట్లు,ఆహార పదార్ధాల కల్తీ, విషరసాయనాల ప్రభావం,పొగాకు, మద్యం, మత్తు పదార్ధాల సేవనం, fast&junk food culture,అనారోగ్య కర మైన జీవన శైలి బాహ్య ప్రపంచపు ఒత్తిళ్లు ఇలా ఎన్నో కారణాలతో మనిషి తన ఆరోగ్యాన్ని పాడు చేసుకుంటూ జీవితాన్ని ఆనందం గా గడప లేక పోతున్నారు.

లక్ష్యాలన్నింటిలో మంచి ఆరోగ్య లక్ష్యం గొప్పదన్న నిజాన్ని ఎంత త్వరగా గుర్తిస్తే అంత మంచిది.... ఒద్దుల రవిశేఖర్ 

               

భైరవ కోన

 భైరవకోన (కనిగిరి, మార్కాపురం జిల్లా ):

కనిగిరి కి 60 కి.మీ దూరం లో చంద్రశేఖర పురం (CS puram) మండలంలో కొండల నడుమ ప్రకృతి రామణీయతతో అలరారుతుంది ఈ పుణ్య క్షేత్రం. శివరాత్రి పండుగ రోజు అత్యంత మనోహరం గా ఉందీ ప్రాంతం. సంవత్సరం అంతా ఈ గుడి తెరిచి ఉంచినప్పటికి పండుగల సమయం లో మాత్రమే RTC బస్సుల సదుపాయం ఉంటుంది. మిగతా సందర్భా ల్లో సొంత వాహనాలు లేదా ఆటో మాట్లాడుకొని వెళ్ళాల్సిందే. వర్షాకాలం వెళితే అద్భుతమైన జలపాతాన్ని చూడవచ్చు.చుట్టూ ఉన్న కొండలు తిరుమల కొండల్ని తలపిస్తాయి. వందల వృక్షాలతో అలరారుతుంటాయి ఇక్కడి కొండలు. ఒకే రాతిలో చెక్కిన గుడులు ఇక్కడి ప్రత్యేకత. ఇది శైవ క్షేత్రం. భైరవ కోన కు దగ్గర్లో బెంగుళూరు, విజయవాడ జాతీయ రహదారి నిర్మాణం లో ఉంది. ఇది పూర్తయితే భక్తులకు మరింత సౌకర్య వంతంగా ఉంటుంది. ఇక్కడ వసతి గృహాలు కూడా ఉన్నాయి.అభివృద్ధి చేస్తే ప్రకృతి నడుమ ఉన్న ఈ క్షేత్రం చక్కని సందర్శనీయ స్థలం అవుతుంది.

ఐ న్ స్టీన్ జీవితం కృషి

 ఐ న్ స్టీన్  జీవితం కృషి 

రచయిత్రి :కేతరిన్ ఓవెన్స్ పియర్ 

అనువాదం :బెల్లంకొండ రాఘవరావు 

మానవులు స్వతః ఒకరి నొకరు ద్వేషించుకోరని నా విశ్వాసం. ఎవరేనా పని కట్టుకుని ప్రేరేపిస్తే తప్ప, ప్రజలు అందరితోటి సామరస్యంతో సుఖంగా బ్రతుకుతారు.. Einstein 

   అన్ని యుగాల లోని ప్రపంచం లోని మహోన్నతులయిన పద్నాలుగు మంది విజ్ఞాన శిఖామణుల శిలా ప్రతిమ లను న్యూయార్క్ లోని రివర్ సైడ్ చర్చి ప్రాంగణం లో ప్రతిష్టించారు. అందులో ఒక ప్రతిమ Einstein ది. ఆయనను కోపర్నికస్, న్యూటన్ తో పోల్చి ప్రస్తావించేవారు.

ఇందులో ఆయన బాల్యం లో పాఠశాల లో ఎదుర్కొన్న ఇబ్బందులు, చిన్న ఉద్యోగం నుండి ఆచార్య పదవికి ఎదిగిన తీరు జర్మనీ లో ప్రాణ భయం తో బ్రతికిన తీరు, పలు దేశాల్లో ఆయన పొందిన గౌరవాలు, హిట్లర్ విజృంభణ తో ఇతర దేశాల్లో తల దాచుకున్న తీరు ఇన్ని సమస్య ల మధ్య ఆయన సాధించిన విజయాలు, ప్రయోగ శాల లేకుండా తన మేధస్సు తో సాపేక్ష సిద్దాంతాన్ని ప్రచురించి నోబుల్ బహుమతిని పొందిన విధం, ప్రపంచ శాంతి కొరకు ఆయన ప్రయత్నాలు, ఆయన పరిశోధనలు వంటి ఎన్నో అంశాలు సామాన్యులకు కూడా అర్థం చేసుకొనే రీతిలో రాయబడింది. విద్యార్థులు, ఉపాధ్యాయులు తప్పని సరిగా చదువ వలసిన పుస్తకం.... ఒద్దుల రవిశేఖర్