విశ్వ నరుడు(స్టీఫెన్ హాకింగ్ పై పాపినేని శివశంకర్ కవిత)

physically challenged  కాదు
Physics నే  challenge చేసినవాడు
దేహ విధ్వంసం చేసే
మోటార్   న్యురాన్  వ్యాధిని
విజ్ఞాన వ్యాయామంతో
అధిగమించినవాడు
ధ్వనులుగా పొల్లులుగా  విడిపోయి
పడిపోయిన మాటని
speech synthesizer లో స్థిరపరుచుకున్నవాడు
ప్రపంచంలో ప్రతి వికలాంగుడికి
గుండెదిటవు నిచ్చినవాడు
కాస్మిక్ కడలిలో
బుద్ది బాహువుల గజ ఈతగాడు
కాల్లూ చేతులు  ఆడకపోయినా
కాలబిలంలో ఏరోబిక్స్ చేసినవాడు
అండాండ పిండాండాల నులిపోగుల్లో
ఉయ్యాల లూగినవాడు
విశ్వానికి అంతం లేదని పంతంతో
బ్రహ్మాండానికి Grand design నిర్మించి
అఖిలాండ కోటి బ్రహ్మాండ నాయకునికే
ప్రవేశం నిరాకరించినవాడు
వికలాంగుడు కానే కాడు
సకల మేధాంగ  సుందరుడు
స్టీఫెన్ హాకింగ్  einstein కు
అసలైన వారసుడు