Friday, 4 May 2012

చెలీ!


                                     విశాల విశ్వంలో నీవు వినిపించని
                                     గీతికలా వున్నావెందుకు
                                     ఆ గీతాన్ని నాకిస్తే శ్రుతి చేసి
                                     మధురంగా పలికించనా
                                సముద్రంలో చిన్న అలవై
                                మిగిలిపోయావెందుకు
                                కెరటంలా ఒడ్డుకు రావా
                                నన్ను నీలో కలుపుకునేందుకు 
                                     వెన్నెల ఆకాశంలో చిన్న
                                     నక్షత్రమై వెలుగుతావెందుకు
                                     పున్నమి వెన్నెలవు నీవైతే
                                     పులకరించే కలువను నేను కానా
                               వాన వెలసిన వేళలో
                               ఒంటరిగా వున్నావెందుకో
                               ఇంద్ర ధనుస్సువు నీవైతే
                               ఆ వింటినారిని నేను కానా
                                    తెలవారిన తర్వాత
                                    ఏటి ఒడ్డున నీటి కోస్తావెందుకు
                                    కొద్దిగా ముందొస్తే  సుప్రభాత సంగీతాన్నై
                                    నీ వీనుల విందు చేయనా
                              చెలీ నా భావాల వీణ లోని
                              ప్రతి తీగను మీటాను
                              ఏ రాగం నిన్ను కదిలించినా
                              ఆ తొలకరి మేఘాని కందించవా  

19 comments:

  1. ప్రకృతిలో చెలిని చూడగల కవితా హృదయం..బావుంది కవిత.

    ReplyDelete
    Replies
    1. ధన్యవాదాలండి.

      Delete
  2. చాలా బాగుంది. అభినందనలు.
    కానీ చివరి సందేశం మేఘానికెందుకో అర్థముకాలేదు.
    చెలికి వెళ్ళాలి కదా?

    ReplyDelete
    Replies
    1. ధన్యవాదాలండి.చెలి దూరాన వుందండి .ఈయన భావమంతా ఆమెకు అర్థమైతే ఆమె అక్కడనుండి మేఘం ద్వారా తన సందేశం పంపించమని కోరుతున్నాడు.

      Delete
  3. "ఇంద్ర ధనుస్సువు నీవైతే
    ఆ వింటినారిని నేను కానా"
    కవిత చాలా బాగుంది...

    ReplyDelete
    Replies
    1. ధన్యవాదాలండి రాజి గారు!

      Delete
  4. So sweet! చాలా బాగుంది. వెన్నెల కురిసినట్టే!

    ReplyDelete
    Replies
    1. వెన్నెల అంటే గుర్తొచ్చింది , 5 or 6 తేదీల్లో ఇప్పటికంటే చంద్రుడు 14% పెద్దగా కనిపిస్తాడు.ఆకాశం వైపు చూడండి.ధన్యవాదాలు వెన్నెల గారు !

      Delete
    2. తప్పకుండా చూస్తానండి.ధన్యవాదాలు మీకు.

      Delete
  5. Replies
    1. మీ ప్రశంసకు థాంక్స్.

      Delete
  6. మేఘ సందేశం అనమాట!!!

    ReplyDelete
    Replies
    1. ఎవరో ఒకరి సహాయం తీసుకోవాలి కదండీ.

      Delete
  7. పలుకు పలుకులో క (ర) వియై
    చెలి డెందము గెలుచు కొఱకు చెఱకున విరి తూ
    పులు సంధించిన "ఒద్దుల "
    కలగా మిగిలేను ! చెలులు కఠినులు సుమ్మా!

    బ్లాగు సుజన-సృజన

    ReplyDelete
    Replies
    1. మీకు స్వాగతం మరియు ధన్యవాదాలు.మీ అభిప్రాయం నిజమేనండి .మీ పద్యం బాగుందండి.

      Delete
  8. ఓ అలాగా!
    అయితే తొలకరి మేఘంతో సందేశం పంపించవా అని అర్థమన్నమాట. బాగున్నదండి.

    ReplyDelete